TolishMedia informasiyə agentəti muxbir xəbə doedə ki, Azel.Tv sayti məhkum kardə bıə rəis Əfgan Sadıgovi moə Hurnisə Sadıgova iyən çəy boə ijən de videorolikon bə Ozobiconi prezident, Boku diktator İlham Əliyevi iyən çı məmləkəti vitse-prezident Mehriban Əliyeva mırociət kardəşone.

Çı həbs kardə bıə jurnalisti boə Azer Sadıgovi votəşe ki, təğribən 90 ruje Əfgan de ıştə beədolətə ğərori ləğv karde tələbi ənəhardə aksiyə dəvoniedə. Yanvarə mangi 21-nə rujədə çı Sumgayıti apellyasiyə məhkəmə i kərən çəy şikati diə karde bə təxir eğandəşe. Həmonə rujədə Sadıgov koma vəziyyətədə egıniə, çımi bəpeştə əvışon bə reanimasiyə şobə noə.

Iştə nubədə çəy moə çı kişvəri hukmətış vang kardə apellyasitə şikati de ədoləti diə karde təmin karde iyən pesoxtə ittihomon ləğv karde.