Ozobiconədə Dıminə Xərəboği canqi bac ome eyforiyaku susard bedən.Mılxəs ım eyforiya vote bəbe orəxəy, ısət odəmon həmə ıştə dardon dılədə vi bıən. Çe ki zoə mardə vəyu mandə de çand qılə əğıli bə daston, çe ki əğıl yarəjə bıə omə anuzi dastədə şəvbəkuon hıte zınedəni, andomış pıxedə şedə. Odəmon həni çə vaxti hayədə nin ki, ha çıbıznom “Tolışon oğon, bo Xərəboği noğon”.

Həni har kəsi vi mandəşe ıştə conisə. Mande iyo qılə ko heste, bəpe har kəs har qılə ko vindeyədə, nav bino karde çok- çoki no peqıt bıkə. Odəm qirəm həjəməti bıko, kələsoxortməti bıko, ıştəni bənəy beqıniyə moğnə şodo bə miyon, bə hiç kəsi penımando, bəvədə çəy orəx jıqo bəbe binim çoknəy vindedəmon.

Ve tolışon holiədə ıştə coniku bezo bıən, kalikəson qırd vəşi mardedən. Əvonışon barde doço kardeşone bə Ghərəboği coni, mardəkəson mardin, mandəkəsonən mandin ıştə coniku dastqir. Isət bıkəşən mərəxən, diə bıkəm bə şımə hay ki rəsedə. Oxo şımə vindedənıbiyon bı çandə sori ımon bo şımə xuni peşome mandən?! Qirəm ımi bəsə dəşəniyonbu, bəvədə hejo bə şımə sə çiç omedəbu bo şımə əvən kame!

Əli Huseyni