Tolkışonku jıqo qıləy sıxan heste “Tu bə Qəncə, nati bə Boku”. Im yolon sıxan ısətnə holədə qırd bə vırə eqınidə.Çumçıko bı pesoxtə keşvərədə har çi səlınqonə – pelınqonəy. Imon Qəncə səyku bə po çe tuy dılədə bey – be əyo tu vığandən bə Boku ısətboy nat, binim kəynə Boku nati dılədə tasedə.

Çoknəy binim Tolışstoni zəmin məlo omışteyədə ya məlo perosniyədə usto be holədə, ımon bə əmə məloəti omuteşon pidəşone. Ha diə bıkənən ısətnə Ozobicon nomədə ım pesoxtə keşvər jıqo holədəy. Im pesoxtə dəvlət de ıştə pesoxtə həjəmə hukuməti bo əjiyon səy qılə bəlo bıə mandə.

Qıləyən Tarif şura nomədə onemonışon soxtəşone, əvonən kəynəşon pidə, çoknəyışon pidə odəmon pust kardedən de ovnon molyəti ənəxəbədə rost karde çəmi. Həmən qıləyən dard heste ki, De bəboli bə Tolışi binim çəş kardedə ki, ımon bə əmə çiyi bədoyn.

Hələ dastəy qırdə bıə petitsiyən qırdə kardə ki, ha İlhama tınən ıştə pıə qur çe əmə milləti nomi bə odəmi nomi exrocəti vardə nomon reço peqət. Hejo ve yolə bədbəxtəti bımədəy xosə Tolışon, jıqo odəmon reçədə huquqşunoson iyən co sənəti alimon hestin. Imonən ıştəni tolışə milləti roədə sinəbıjən bı roədə ıştəni navəjən zınedən.

Qirəm ımon hələ sərəsənin ya dərəsənin ki, ımoni çe həyvoni reçədə vində Ozobiconi hukumət bə xosiyən çe əy kələntərə prezident əvoni odəmi vırədə nınoy holədə, ımon bəpe bo çiçi bəy qiyəjənəti bıkən! Oxo tu bə Qəncə nati bə Boku bo çiç bəvığanden?!