İroni İslomi Respublikada nav Nəvuzi çe hukuməti doə sərəncomışon rəsmi bə vırə rosnişone. Im xosə sərəncom əv bey ki, İRİ hukuməti İroni paytaxt Tehronədə qırd yolə kuçonədə qıləyış bə Tolışi nomış doəşbey. Isətən nav Nəvuzə idi ım kuçə qırd dərosniyə bıə, həmən kuçə nom de nıvıştəy sunonsə ğoym kardə bıə.

Tolışon ımi bo ıştə qırd yolə id zınedən. Oxo Ozobicon nomədə pesoxtə keşvərədə jiə Tolışon bə ıştə nomi xaxanin. Çumçıko Tolış nomədə nom bı pesoxtə keşvərədə bə odəmi nomi exrocəti vardə nomon reçədəy. İron Tolışon nomi rost kardedə, dı nomi ıştəni pekırnidə, Ozobicon ısətboy ım nomi exroc kardedə, əy bə ıştə ar zınedə.

Isət şımə bıvotənən çəmə xosə Tolışon, kiye çəmə dust, kiye çəmə deşmen, kom vırə çəmə keşvəre, kom vırə əməni pedəyvoniyə deşmenə keşvəre? Bı barədə kamişi dumot bıkənən, oğo bıbənən.Jıqo bışu bı vironə mandəy Ozobiconədə çəmə nomi sıpə dəftərədən vində əzıniyon. Xıdo əmonətədə bımandən. Bə əştə boənən!

Əli Huseyni