Ozobiconi beməxə prezident İlham Əliyevi ovardemononədə jıqo bəsə dəşe bedə ki, Bandi Ghərəboği siyasi status qurbəqur bey. Mande sərostədə ısətboy ım qırd co curəy.Qirəm navko Ozobiconi hukumət har vırədə zır jəydəbe ki, Ermənistoni qətımkorə ləşkəri çe əmə zəminış qətımış kardəşe, əvon bəpe həzo – həlbət çe əmə zəmino beşun.

Isətnə holədə binim kəynə Rusiya ləşkər oməy dəşe bə Bandi Xərəboği zəmin, Ermənistoni ləşkər çəyo beşey. Oxo Bandi Ghərəboği həm siyasi status həmən dəvlət sunon tikənəyən ğoym bin. Jıqoşə Ozobiconi bə ruson zuyış bəvışkişe? Hay vışkiyəşeya. Bandi Xərəboği sərostədə Artsaxi ıştə hukumətış ğoym karde, ıştə ləşkərəvonətiş ovc kardışe.

Xıdom əv Xıdoy jıqoşə Ozobiconi ləşkər bəvon hi tonə diə bıkə. Bəvədə Rusiya çe Ozobiconi xoki bə tumbərə bəqəte. Ozobicon bəpe ıştə sərpuşi pekırno bə ıştə sə. Əv zınənine ki, jıqoşə – ə lo çə do pərəy.Orəxəy Rusiya həni oqarededə bə ıştə navkonəni marzon.

Həm Ozobicon, həm İlham Əliyev həmən çe əy muxalifət hiç kəynə ıştə vanqi bekarde əzınin.Qirəm qədəy pelıvon, çəvon sə bəşe. Demiyən jıqo Ghərəboği statusi barədə Ozobicon həni hiçi vote əzıni. Sıxani Rusiya iyən Ghərəboği erməniyon bəvoten! Jıqo – jıqo koon!

Əmir Tanqəbınıj