1. Ozərboycon respublikədə Corc Deek çı İsrailı səfirı raport Zəngilan məntəğəku, vırəydə ki ğərore İsrailı modern iyən texnika şəhrəkon bino bıbon.

Əv ıştə sıxanondə jığo votdə: bıvrədə ki ğərore çı Ozərboyconıjon, İsrailıjon iyən İtalivıjon beynəlxalğ həmkoəti vırə bıbo.
Çəmə ın həmkoəti Zəngilanı ın baxşı bəji bəka iyən əholi bəştə kəon obəgordonedə. In məntəğə çı Ozərboycon, İsrail iyən İtali arədə həmkoətiə mərkəzi unvan bəbe.

2. Türkiyə pırezidentı səfər bə Ozərboycon respublikə

Türkiyə pırezident Rəcəb Təyyeb Ərdoğan ıştə 2 rujnə səfəri pırogramədə bə Boku şəhər şe. Ərdoğanı 2 rujnə səfərı pırogram bə Boku, İyonə mangi 15-ədə təşkil be.

In səfərdə çı Turkiyə mıdofiə vəzir, pırizident təşkilatı əloğon baxşı sədr, pırizidentı natığ, Ozavziye iyən ədoləti partiya natığ iyən Natoədə çı Turkiyə goropı sədr de Rəcəb təyyeb Ərdoğanı həmro bin.

De təşkilbıə pırogramon əsos Ərdoğanı rəsmi vindemon iyən pişvoz Şoşi şəhrədə be. 2 gılə ulkə arədə həmkoətion sənədon imzo iyən pırizidenton mətbuat konfıransiya əcumlədə Ərdoğanı pırogramonku be.