Tırkiyə prezident Rəcəb Təyub Ərdoğaniıştə bı nezonədə bə Kipr kardə roqardışədə votəşe: Çımı bıvə İlham Əliyev çe Xəşixuni Kipri səbəsojəti vote bəbe ki, bo zıney hozoy. Im ko çe ımruj – maşkinə koy, Ozobiconi Xəşixuni kipri bəzıney.

Bəsə dəşəkəson ımi ve çok zınedən ki, Tırkiyə dıminə Xərəboği canqədə ıştə əbjoronış havateşe bə Ozobiconi, mande jıqoşon sələ jəşone ki, ım canqi əvon kardedən. Oxo bı canqədə iqlə tırkə sərbozi mardeku hiç qılə rımuz nıbey. Çoknəy bedə ki, canq kardedən, mande mardəkəs bedəni. Mardəkəson həmə tolışon, taton, ləzqiyon, avaron, saxuron, udinon iyən co bınəyniyə mərdumon nımoyondon bin.

Jıqo bey holədə əvon ım canqi çe tırki sərbozi karde bə qəv vardedən. Isətən çı tono çe beməxə İlham Əliyevi dı poşon doço kardəşone bə i po ki, filəğət tı bəpe Xəşixuni Kipiri səbəsojəti bızıni. Imən əve ki, Ozobiconi bənəy qılə keşvəri bınə qəte ve saxtə ko bəbe.

Xıdo rozi diə bıkmon, ım şiton çiç kardedən. Xıdo çəvon bəsirəti ebasto, qasbu bəvədə Tolışon bə qıləy ovdonə, bə qıləy havardəy beşin!

Xanəli Ağayev