Lankonədə roy ğəzo qınyə, mikroavtobus de qədə maşini ğappəğap omən. De çe əmə Tolışstoni əlehdə muxbiri doə rımuzi ğəziyə Lankoni 1- nə mikrorayoni həndəvərədə qınyə. Zərifə Əliyeva iyən Hənifə Abdullayevi kuçon ebırədə qınyə bı roy ğəziyədə bo kırniyə mikroavtobus de “vaz 21-07” vəbəvə omən, miroavtobus royku beşə roy kəno bə suniş pekuəşe.

Qədə maşin ( VAZ 21 07) ve hırd beyro çe əy dılədə nıştə Lankoni Şilvo di əjiyon, ranəndə 1953–nə sornəni Axundov Ehtiram Mahmudi zoə iyən çe əy rukə bıvə 1957 nə sornəni Axundov İntizam Mahmudi zoə ve qonə zəfə səşone. Əvonışon çəsponi bə Lankoni Mərənqo Noxəşxonəşon rosniyə. Ranəndə holi qırd bevəc bey votedən. Dı koy anqıl Lankoni Polisi Xonə bo təyğoton bino kardero cinoyəti ko ojış kardə.

TolihshMedia