Avgustə mangi 21-minə rujədə bə Turkiyə 5-minə həvoyə ğıvvon aeronavtikə ğıvvon 10 kəs komandiron ım ulkə lideron tərəfıku Turkiyə Amasiye ostanədə medal baxşəşone.

Im medalon “Ozərboyconı cangədə xıdməti” barədə bə Turkiyə eksperton təltif kardışone. Im hərəkət ijən nişo doşe ki Turkiyə çı Ozərboycon Respublikə tərəfiku mustəğim Ğərəbağı cangədə iştirok kardəşe.

Ve ehtimol hestışe ki kali medalsə kəson eksperton Turkiyə F-16 dıronon pilotonin. Oşkoye ki hətto F-16 dıronon Ğərəbağı cangı vaxtədən iştirok kardəşone.

Tırk eksperton medalsə kəson çı Turkiyə 5-nə həvoyə ğıvvon aeronavtikə komandironi hestin ki 151, 152,153 eskadrə iborətin. Çimiku bə nav iyən Ğərəbağı oxnə cangı vaxtədə aeroplanon Ozərboycon Respublikədə hızur hestışonbe.

Cangıku bə peşt 2020-minə sori 27-minə rujədə Turkiyə F-16 dıronon bə Ozərboycon Respublikə daxil bin. Im vaxtədə F-16 dıronon de nizamiyə təlimon İştirok karde bəhonə unvani bə Ozərboycon Respublikə şedəbin.

Əgərsə ım 1-minə kərə nıbe ki Turkiyə F-16 dıronon bə Ozərboycon Respublikə daxil bedəbin, əmmo ruşin be ki ım gorop 151 ,152 eskadrə aeroplanonku iborət bin. F-16 dıronon bə mıxtəlifə vəzifəon əməl kardedəbin.

Nəticədə 151 iyən 152 eskadrə aeroplanon ki bə Ozərboycon daxil bedəbin ın ulkə mıxolifon ğır kardeədə ve məharət hestışonbe.