Xosə Tolışon! jəğo ki həmmə zındəmon Ğərəbağı dəvardə cangədə çəmə Tolışə xəlğ ıştirok kardışe iyən heç nəticə sıvoy marde iyən məhvbıe bəməyoış ayid nıbe. Əlbəttə jəğo ki votəmbe boşməno Boku hukumətı gıləy məğsəd ın be ki Tolışə xəlği iyən Ozərboycondə həmmə kambə xəlğon xısusən Ironıjə xəlğon poymol bıkə.

In cangiyə vəziyət hejo idoməış heste, jəğo ki boku bəştə məğsədon rəsedə iyən Tolışən şe-şe mardedə, əvən boçi? Boştə dışmeni kıməgəti karde roədə! Oşko bıvotdəmon, yəne ın ki Tolış ıştə marde iyən məhvbıe gorə de təcili ıştə cıvonon iyən hırdənon çı İlham Əliyevı po jintonədə ğıbon kardedə.

Əziz Tolışon! Az xəcolət kəşdəm ın sıxanon vote yaən nıvışteku. Çımçiku co xəlğon bəmə sıredən, votdən ki Tolışon çəş kardən ki kəyni bəbe Boku de Ermənion yaən de İronı yaən de co xəlğon cang bıkə; əmə bışəmon əyo bımardəmon ki Tırkon bəmə bısıron.

İronədə jiyə Tolışon iyən dınyoədə biton Tolışon muvqe ıme ki ıştə zıvon, mədəniyət, hesı-ni, xəlği iyən har şey ki əçəvon Tolışəti həxədə heste ogəton. Əmmo çəmə Tolışon hejo pidəşone bə Əliyevı axməğə siyasəton ğıbon bıbon.

Əziz Tolışon! In parsı cəvobədə ki “Tolışon muvqe çiç bəbe?” Az votdəm ki məntəğə ın siyasi-əmniyətinə vəzyətdə çəmə Tolışə xəlği veynə poə deştə ixtiyori ğıbonbe pidəşone. Mamu bəşmə ğıbon, Əliyevı siyasəton navğıbonbe tikəyən fik bıkənən.

İsa Tolış