Dəstqirətiədə bə Azərbaycan Demokratiya inən Rifah Partiya sərdor Qubad İbadoğlu oğətə bə 1 numrəninə Boku İstintağ Təcridxonədə psixoloji təzyiğ kardə bedə.

Bın barədə əçe boə Qalib Toğruli bəyonış kardə.
“Təcridxonə rəisi Əhəd nominə muavin İbadoğlu xaricədə jiə əğlon telefon numronoş tələb kardə, əks holədə bo qəp je icazə nıdoeş votə. Rəisi muavini, əçeku əğlon kon keşvərədə, kon şəhərədə jieş xəbə sə. Vinde bedə ki, Əhəd nominə xonəxo səlahiyyət həddi dəvardə, bo əlidə onemonon məlumat qırd kardə”, – əçe boə ğeydış kardə.

Penitensiar Xıdmət dın məsələ anqıl fik zınə bedə ni.