Ozərboycon respublikə xarici vəzorət xəbə doşe ki Ermənistonı tərəfiku mısbətə xəboni bo sulhi ilon bedən əmmo Nikol Paşiniyan çı Erməniston respublikə iminə vəzir bovəış heste ki Boku ıştəni hozı kardedə ki de Yerevani gıləy gonə cang təşkil bıkə.

Ceyhon Bayramov Ozərboycon respublikə xarici vəzorət dəvardə rujədə çı İtaly xarici vəzirı Boku nəzəon de Ermənistonı sulh karde gorə ilon kardışe. Ozərboycon respublikə xarici vəzorət ijən votışe ki gıləy gorop çı Boku-Ermənistonı sərhəddon miəyyən karde gorə təşkil bıbo ki sulh məsələ ve çok bə nav bışo.

Əv ijən ilon kardışe ki dəvardə rujondə Erməniə lideron tərəfiku mısbət xəbon iyən nışunəoni de Boku hukuməti sulh kardeyo ilon bən. Əv əlovə kardışe ki əgəm Erməniston həğiğətdə ciddin sulh bıpyoşe Bokuən sulh muzakirəonyo hozıe.

Ozərboycon respublikə ləşgər Ğərəbağ cangədə kali məntəğəon əcumlədə Şoşiədə ğalib be iyən ın şəhəri Ermənion ixtiyoriku bekardışe. Peşoən ki de Maskova mıdoxilə ın 2 gılə ulkə arədə mıvəğğət sulh təşkil be, Boku iyən Yerevan cangı otəşı ojnən rost kardeyo bəiyəndı ittihom jəşone.

Gıləy Erməniə məsolon votəşbe ki Ozərboycon respublikə Ğərəbağədə tilifoniə iyən internetiə əloğon bırniyedə. Ermənion votdən ki ın pırablem çı Boku pırezidentı bə Ğərəbağ şıe vaxtiku rost be iyən ın vəziyət Ozərboyconi sərhəddədə ve gone əmmo kali vırondə heç curə tilifoni iyən interneti əloğon təşkil bedənin.

In bı holədəye ki Nikol Paşiniyan çı Erməniston respublikə iminə vəzir ilon kardəşe ki Boku ıştəni hozı kardedə ki de Ğərəbağ iyən Yerevani gıləy gonə cang təşkil bıkə.