Tolışon Rusiya Tolışə Reqionalə Fərhənqinə Muxtariyəti nımoyondon aprelə manqi yonzədə dıhəzo vistı dıminə sori ıştə sənibəton qırdəbemonədə tırki zıvonədə qəpışon jə. Iştə ovardemonədə RTFM – i əhəşon Rusia keşvəri, Rusiya dəvləti Ukrayniədə bardə bıə bə ım əlehdə ləşkərəvonəti dastqo ıştə dastəqışon doə.

Har qılə onemoni sərdori həmən har qılə onemoni əhəşon ıştə ehandemonədə həmə iqlə sıxanışon votə. Əvon həmən əvışon ziyodə kardəşone ki, ım əlehdə ləşkərəvonəti dastqo tolışon ayəndon bə co vardedə. Jıqo çidə məvuji kobəsoni bə Rusiya vəynə de Ukrayniə dasti səlo jə ım canq həm bo Ukrayniə hukuməti həmən bo kobəsoni dastə ve bevəc obərəxe.

Çoknəy vindedəmon, kobəsonədə, hejo bıvotəmon Amerika İconə Ştatonədə dılışone ıştə heri çe Rusiya perisə bınən. Imən əve ki, əvon ıştə keşvəri kaxtiyəti bə Rusiya bə Rusiya prezindet Vladimir Putini qiy ekardedən. Əvon ıştə har qılə kaşi bə Putini qi ekarde holədə bə ıştə dast çiç vardeşon pidə, zıne bedəni. Mande iqlə bə çəşi qınyə çi, zınə çi əve ki, əvon ıştə villə səşon qin kardəşone. Jıqo çidə əvon çə villə sə hələm – hələm pəydo karde zınedənin, məvuji həni pəydoən karde əzınin.

Rusiya Tolışə Fərhənqinə Muxtarə onemonon hejo çe Rusiya tono bıən jıqoşən ıştə keşvəri, ıştə dəvləti tono bey barədə bə həmə tolışon ıştə sıxanışon votə. Xıdo bə pandinə tolşon koməq bıbo!

Xudayar Bırkanduli.