Pencşanbə Noyabrə mangi 17 minə rujədə ğəror be ki İronı Tolışon Tehran şəhrədə çı Boku sifarətı navədə gıləy itirazinə miting dəvonın. Həmonə subh ki Tolışon əyo gırdəbin, ilon be ki əçəvon icozə İronı hukuməti tərəfiku ləğv be. Əmmo Azəri Səhər nomədə Televiziya əyo hozı be iyən çand kəs Tolışonku interviyo pegətışe.

İronı Tolışon çı Boku respublikə bardə siyasəti ın ulkə Tolışon asimilisiyə karde gorə məhkum kardən iyən tələb kardən ki Şumali Tolışıstonən bəpe bəştə inə vətən yəne bə İronı ogardo. Əcumlədə əçəvon şuaronku jığo be: “Ostoro, Lik, Masalli, Lankon. Bəpe ogardon bə İron”