De muxtəlif internet televiziyon ko kardə bloqqer Nurlan Cəfərov (Cəfərli) dəstqir kardə bə. Əçe barədə Yasamal Rayon Məhkəmədə 15 sutkə inzibati dəstqirəti ğərar bekardə bə.

Bın barədə məhkəməku doə məlumatədə votə bedə. Nurlan Cəfərli marti 30-də şanqovoni saat 7-də bə məhkəmə və bekardə bə.

Əçe barədə polis xonədə İnzibati Xəton Məcəllə 510 (hırdə xuliqanəti ) inən 535.1 (bə polisi ğanuni tələbi tabe nıbe) maddon protokol soxtə bə.

Nurlan Cəfərli marti 30-də çoştoni Ədliyyə vəzarəti vədə dəvardə etiraz aksiya bə lent sə jurnaliston dılədə bə. Peş aksiya əv ıştə “Facebook” səhifədə bə Dılətonə kon vəzarəti inən vəzarəti mətbuat xıdməti şebə rəis Elşad Hacıyevi ovardə. Ovardeədə ey, etiraz aksiyadə bənə media numayəndə “Time TV” kanal ro material kəşeədə bə polis zorəti məruz mande, telefoni arışteş ğeyd kardə.

In hol Azərbaycan nominə diktator rejimi tərəfo idarə bə məmləkətədə dəvom kardedə-polisonku sikat kardə kəs dəstqir kardə bedə.