İyuli 21-də Suraxanı Rayon Məhkəmədə ovqat.com sayti sər redaktor Heydər Oğuzi məhkəmə proses bə orəx rəsə. Imsori əvvəliku davom kardə proses Naxçıvan Muxtar Respublika Teleradio Şura uzv Sara Əzimova xususi ittiham ğaydədə doə şikati əsnoədə bardə bə.

Sara Əzimova, Oğuzi sosial şəbəkonədə nıvıştəyonku noroziəti kardə, jurnalisti təhqir inən behtoni qorə bə cinayət məsuliyyət cəlb kardeş tələb kardə.

Oğuz de Əzimova xeyli mıddət münaqişə be, imi de Naxçıvan Muxtar Respublika nakonə rəhbər Vasif Talıbovi tənğıd karde band beş iddio kardə.                                                                                  Əv Talıbovi tənğıd karde qorə bə trolon hucumon məruz mande, çəvon peşto Əzimova mande hesob kardə.

Məhkəmə Cinayət Məcəllə 148-minə maddəş (təhğir) de 147-minə maddə (behton) əvəz kardə, Oğuzış 6 manq islah koon məhkum kardə .