Mısılmon Ibemoni Hərəkati İdarə Heyəti uzv Ağaəli Yahyayev dəstqir kardə bə.

Bın barədə vəkil Zibeyda Sadıqova məlumat məlumatış pevolo kardə.

De vəkili sıxani, bə A.Yahyayeva vəynə de Cinayət Məcəllə 234.4.3-minə (beğanun narkotik vasiton, psixotrop maddon və ya çəvon prekursoron kulli miğdarədə hozzo, istehsal karde, bə dast varde, oğəte, kırnie, vığande və ya həvate) maddə ittihom bə nav doə bə.

Vəkil, imoninə fəali avqusti 31-ku Abşeron Rayon Polis İdarədə oğətə be ğeyd kardə. ” Həmonə vaxtiku bo Ağaəli Yahyayevi nəvəm, ən kami 5 kərə bə Abşeron Rayon Polis İdarə zanqım kardə. Ha səfə bəmi cavobşon doə ki, çəvon ku joğo xonəxo ni. Sentyabri 2-də Abşeron Rayon Polis İdarədə bəçe vəynə ittihom bə nav doə be məlum bə”.
Z.Sadıqova de Abşeron Rayon Məhkəmə ğərarı A.Yahyayevi barədə həbs qətimko tədbir vıjniə be votedə .

De məsələ band Dılətonə Koon Vəzarəti munasibət zınə bedə ni.