Ekspertiza rəy məhbusi 5 numrəninə cəzokəşə muəssisədə işgəncə nəticədə marde əsas dodə.

Ğaraboğ muharibə veteran, 5 numrəninə cəzokəşə muəssisə ovoştonə 2 ruj bə peş əyo mardə 24 sininə Subhan Ağayevi marde band məhkəmə ko bə orəx rəsə. Əçe mardeədə taxsikor zinə bə cəzokəşə müəssisə sər inspektor, rəisi nubədə bə komək bıkə Humbət Məmmədov 2 həzo mənot cərimə cəzo doə bə. Səlyon Rayon Məhkəmə hakim Ağarza Səmədov joğo hukmış bekardə. De hukmi, bey de Cinayət Məcəllə 309.1- (vəzifə səlahiyyətonku ziyod) maddə ittihom doə bə.

Subhan Ağayev 2022-minə sori oktyabrə manqədə de dızdiyəti ittihomi dəstqir kardə bəbe, təxminən 4 manq Şuvəlan ğəsəbədə 3 numrəninə istintağ təcridxonədə oğətə bə peş, 3 sor 6 manq ozodətiku məhrum karde barədə hukm bekardə bə, bə cəzakəşə muəssisə ovoştonə bə. Əv, fevrali 25-də bə 5 numrəninə cəzokəşə muəssisə vardə bə, fevrali 28-də maştəvo, saat 10.00-də əyo ıştə dınyoş deqış kardə.