Likədə fəaliyyət nuşu doə “Meşəbəyi” Sanator-Kurort inən Turizm Mərkəzi rəhbər Əlikram Ağayev 15 sutka inzibati həbs cəzoş sə.

Bın barədə Lik rayoniku əçe əvlodon məlumat pevoloşon kardə.
Əvon, mərkəzi rəhbəri beəsas dəstqir kardə bə votedən.

“Polis rəisi zanqış kardə ki, guya Əlikram Ağayeviku şikat hıste. Əvış bə idarə dəvət kardə. Eyən rəsmi formada dəvət kardeş tələb kardə. Əçe barədə məcbiri varde ğərar doə bə”, – xəbədə ğeyd kardə bedə.
Turizm mərkəzi rəhbəri bə polisi ğanuni əmri tabe nı be ittihomi dəstqir kardə bə votə bedə.
Dılətonə Koon Vəzarətiku bın məsələ hiç qılı şərh doə bəni.