4 sor dəstqirətiədə bə Gəncə əji Polad İsmayılov de odəm kışte ittihomi 11 sor ozodətiku məhrum cəzo bısənoən, Ali Məhkəmə bəçe ko sərost diə kardə nıbe ğənaət omə, kooş bə apelyasiya instansiya oqordonə. Xeyli vaxte ki, Şəki Qonə Cinayəton Məhkəmə əçe ittihomi bə ko ikərən otır otır kardə.

50 sininə Polad İsmayılov Zaqatalada 61 sininə Seyran Əyyubovaş jiə kədə bə ğətl rosneədə ittihom bedə. Hadisə 2013-minə sori fevralədə qınə. Polad İsmayılov isə 2020-minə sori fevralədə dəstqir kardə bə.

Seyran Əyyubova ıştə kə bə rujə kirə doe məşğul bə. Ha ruj əçe kədə muxtəlif odəmon mandə bin.bən. Şələ kırnə maşıni ranəndə Polad İsmayılovun tosə hadisə vey kərə əçe kədər mandə .
Polad İsmayılov ittihomi ğəbul kardə ni, ın cinayəti bəçe qiy de işgəncə ro noe votedə.