İronədə de casusəti ittihomi 2 sor məhkum kardə bə Azərbaycani şəhrvand Fərid Səfərli hukmiku doə apellyasiya şikat təmin kardə bəni.

Bın barədə Fərid Səfərli moə Dilarə Əsgərova bə Amerika Sədo votəşe.

“Zinə de Fəridi telefonədəqəpım je. Əçe apellyasiya məhkəmə bə. Bə məhkəməyə nə Fərid, nəən əçe vəkil dəvət bəbin. Məhkəmə şikati təmin nıkarde barədə ğərarış doə”, – əçe moə ğeydış kardə.
Əsgərova noyabri 3-də de vəkili huquqi qəmon muzakirə bə kardeş votə.

Ey ıştə zoə səhhəti çok be, oğətə şəaritiku norozi nıbeş ğeyd kardə.

Əsgərova Azərbaycani Sər Prokuror de İroni Sər Prokurori mulağatonədə Fərid Əsgərovi məsələ band suali cavobədə, “İroni tərəf hətto bimi əhəmiyyətış doə ni” votəşe.