Dia.az sayti rəhbər Məhəmməd Zamanov, Agentəti “bəçe fəaliyyəti xitam doe” band Boku Apellyasiya Məhkəmədə iddio ros karde votedə. İddio ərizədə, Zamanov muəyyən bə mıddətədə bə reyestr eqınie onıvarde, əve əçe bənə jurnalisti inən sayt media onemoni fəaliyyəti ğədağən be ğeyd kardə bedə.

Zamanov bə təngidə sayton sə çə qul varde qorə onıvarde səbəb nuşu dodə.

Əv, rəhbərəti kardə sayt fəaliyyəti davom karde, hətto məhkəmə ğərar iddio təmin bikoən fəaliyyəti onıbəğəte votedə. 2022-minə sori oktyabri 14-də Azərbaycan jurnaliston inən KİV reyestrədə ğeydiyyat bino kardə bə. Ğeydiyyat 6 manq bardə bə, ımsori aprelədə bə orəx rəsə. Media İnkişafı Agentətii, bo ğeydiyyati onıvardə media subyekton fəaliyyəti ğanunəti de məhkəmə müəyyən kardə be votedə.

Media həxədə nuə ğanun 30 dekabr 2021-minə sori ğəbul bə, 8 fevral 2022-minə sori peş Əliyevi imzo bə ğıvvə nıştə.