Ostoro rayoni Siyokuh di əji Hakim Şabanov bo ko karde bə Boku boən, iyo nə boştə ko peydoş karde zınə, nəən nun.

” Yanvari 20-də bə şəhidon xiyaban şəbim, votem qasbu ıştə dardi bo prezidenti, ya vitse prezidenti bavıtem, ın ko səş nığəte. Iştən YAP-i uzvim. Çand sorone ıştə dardi votə keybə peydo karde zınedənim. Çımı dard xeyzoni vəşi mandeye.Mandə kəy kirə puli 3 manqe doe zınedənim. Hokumətiku hiç qılı sosial dəstək vindənim. Har səfə çəmə kəybə kuədə joğo zınedəm əməni keyku beğande omən” In sıxanon Hakim Şabanovi bo Meydan tv qəpış jə.

“Rayonədə hiç ko nıbe ro oməm bə Boku. Binəqədiədə 1 çəşmə kə manqi 200 manotku kirəm qətə. Diədə zəmin, kəəm ni.omim votem fəhləti bəkam, ıştə xeyzoni obəğətem.4 sə xezonimon. Hərbiədə qonə koom kardə, səhətədəm nosozəti bə, əməliyatım dəvonə.İ çəşım vindəni.Zoəm 13 sınədə, kinəm 6 şinədəy.Zoə nəxoş be, bə məktəb şe nızne, fərdi təhsil sedə. Qədə kinə heriətiş hıste, imkonım ni əməliyat karde bıdəm.Əğlon nosaz be ro həmrom ko karde zınedəni. Həni virə mandəni muraciət nıkəm, foydəş bəni- YAP, prezident administrasiya, H Əliyev fondi ,bə vəzarəton. Mıni de ko təmin bikon, bıdə ısdə xeyzoni oğətü bıznım. “DOST” mərkəziku zanqşon kardəbe, ko təklifşon karde, maaş 265 mənot. Az çın puli 200 manoti kirə, 65 manotiən ro puli bədom. Oxonə umu bə prezidentiye.

Ostoro icra hakimiyətiku bə Meydan tv bə Şabanovi bə rayon oqarde, ey de ko təmin karde təklifi ğəbul nıkatde votşone. Hakim bey zanq be təsfığış karde, intasi de ko, zəmini, mənzıli təmini təklif nıbe votşe.Əyo zəmin, kə nime, əqəm boşom, çoko bəbe?

In problemon həmmə hokuməti əyalətondə sosial lahiyə sə nığəte, bə miyon bekardə ‘DOST” lahiyə hiç effekt nıdoe sobute.

TolishMedia