Azərbaycani İsrailiku 1 milyard 200 milyon dollar məbləğədə “Barak MX” həvo hucumonku mudafiə sistemon hıriye barədə “Defense Industry Europe” aqentəti xəbə pevoloş kardə.

Xəbədə, 3-4 manq bə nav “İsrail Aerospace Industries” (IAI) şirkəti Azərbaycanədə “Barak MX” sistemon numayiş karde votə bedə.
“İsraili istehsal bə muxtəlif həvo hucumonku mudafiə sistemon xeyli vaxtü ki, Azərbaycanədə istifadə bedə. Əmmo oxonə numayiş bə modern versiya aide.”, – məlumatədə ğeyd kardə bedə.

“Barak MX” modul tipinə həvo hucumonku mudafiə sisteme, bo raket inən təyyarə təhlukon çe miyono peğəte nəzərdə qətə bə.