Binəqədi Rayon Bələdiyyə navkonə rəhbər Aytac Əliyeva inən əçe hovə İlknur Əliyeva (Turkut) xeyli vaxt davom kardə məhkəməsi bə orəx rəsə. Dekabri 5-də Boku Qonə Cinayəton Məhkəmədə bo əvon hukm handə bə. De hukmi, navkonə bələdiyyə rəhbər de dələdızdəti inən əlidə ittihomon 7 sor, əçe hovə isə 6 sor ozodətiku məhruməti cəzoşon sə.

Aytac Əliyeva ta sıftəku ədəstqir kardə bıboən, İlknur Turkut məhkəmə proses şə vaxt kəy dustoq bə. Hukm elan kardə bə peş, əvən məhkəmə zalədə dəstqir kardə bə.

De ittihomi, hovon ıştəni bənə ğızıl-zinət əşyon savdı məşğul bə, çokə əlaqon bə xonəxon təğdim əken, muxtəlif odəmon bə daşt dənen bən. Aytac inən İlknur Əliyeva hovon bə zərərkəşəyon əvon penə vəzifəninə xonəxon tərəfo himayə be, zinət əşyon bə həmonə məmuron həvatə bedə sıxan əden bən.

Hovon səpeyəndı bə 9 kəsi vəynə 1 milyon mənot dələdızdətiədə ittiham bedən.

Navkonə bələdiyyə sərdor həmən Binəqədi rayon ərazisiədə zəmin həvate, bə ko peğəte nomi dələdızdətiədə, bo muxtəlif ərazion saxta sənədon tumo kardeədə ittiham bedə.

Hovonədə hıç qılə şştəni taxsikor zındənin.