1 numrəninə Respublika Psixiatriya noxəşxonə navkonə şebə mudir Huseyn Seyidov 8 sor 3 manq ozodətiku məhrum kardə be barədə dekabri 20-də Boku Qonə Cinayəton Məhkəmədə hökm bekardə bə.

Bə hukmi əsas, Huseyn Seyidov rışvə seədə taxsiko zınə bə.

De Huseyn Seyidovi band cinayət ko materialonədə iddio kardə bedə ki, ey vey kərə psixiatriya noxəşxonədə mualicə nısənə de rışvə saxta tibbi sənədış doə. 55 sininə həkim ımono behton be, bey nohəx cəzo doə be votedə..

Huseyn Seyidovi çın sə pulonədə bə Respublika Psixiatriya noxəşxonə sər həkimi, 2023-minə sori aprelədə qətə vəzifəku ozod kardə bə Ağahəsən Rəsulovi doe iddio kardə bedə. Sər həkim bəçe məhkəmə vanq kard, bənə şahidi damə kardə bəbe.