Tojə soxtə “III Respublika” Platforma onoə heyəti uzv, NİDA Vətəndaş Hərəkati uzv bə üniversiteti muəllim Araz Əliyev 25 sutka inzibati dəstqirəti cəzo se xəbə doə bə. Araz Əliyevi vəkil Nemət Kərimli votedə ki, əçe muvəkkili 25 sutka cəzo doe barədə bey doə bıboən, əçe çiçədə ittihom be, ğərari kon məhkəmədə bekardə be məlum ni.

De peşonə doə məlumati, Araz Əliyevi həxədə 25 sutka inzibati dəstqirəti ğərar dekabri 24-də Nizami Rayon Məhkəmədə bekardə bə.

Əçe de İnzibati Xəton Məcəllə 510-minə (hırda xuliqanəti) iyən 535.1 (bə polisi ğanuni tələbi tabe nı be) maddon cəzo se votə bedə.

Araz Əliyev kuçədə dıjmon doe, əçe intizamin be tələb kardə polison tabe nıbe iddio kardə bedə.