“Əgəm bəşmə bıvıton Тolışədə xolçə bofte mədəniyyət bəni, bovə məkeyon, ım duve”,- de TolishMedia doə xəbə, bın barədə tolışə fəol Sərvər Şanı ıştə Facebook səhifədəş nıvıştə.

“Əgəm şımə Azərbaycanədə bə kom tarıxi muzey dəşəyon, əyo bə tolışə mədəniyyəti aid xolçə vinde nıznəyon, əhvolyon xərob nıbo. Nə əgəm bəşmə tolışədə xolçə bofte sənət bəni bıvoton, bıznən bı zori du iglə Azərbaycanədə be bəzne. Hələ 18-minə əsri əvvəlonədə bə Тolış omə Avropa taciron Taleş şəhəri nezi, mərkəzi Ğazğarədə de tolışədə de keyfiyyətinə ipəki boftə xoliçon savdı kardə ticarət kompaniyəşon onoə be. Tolışədə xolçə bofte mədəniyyəti rəğe rişə vey bə ğədimi beşedə”.

Bın xoliçonədə bə naxışon, ornamenton ım sənəti tarıxi vey ğədimi be sobut kardedə.