Naxçıvani Kəngərli rayonədə 21 sor bə nav qin bə xonəxo kıştə be, soy çolədə dəkande məlum bə. Bın barədə Sər Prokuratura iyən Dılətonə Koon Vəzarəti məlumatış doə.

1958-minə sor təvəlludun Məhəmməd Kərimovi səyku de sığe je votə bedə. Hadisə 2003-minə sori əvəsorədə qınə.

45 sininə Məhəmməd Kərimovi kışte qorə əçe jimoni həmro, 1961-minə sor təvəlludin Həlimə Kərimova şəkkin zınə bedə. Hadisə munağişə zəminədə qıne iddio kardə bedə.

Bin rujonədə Ağdamədən 4 sor bə nav qin bə Nərgiz Nəcəfova meyt peydo kardə bə. Huğuğ-muhafizə orqanon doə məlumatədə, 1996-mınə sor təvəlludin Nərgiz Nəcəfova 2020-minə sorədə istə pıə iyən ogəyə moə tərəfo kıştə be müəyyən kardə bə.

2020-minə sori apreli 29-də Ağdam Rayon Prokuraturadə de Nərgiz Nəcəfova qin be fakti qorə cinayət ko bino bə. Əmmo 4 sor bə peş 24 sininə kinə bə ğətl rosniə be məlum bə.

De ittihama, əv hıtə vırədə istə pıə Şikar Nəcəfov iyən oqəyə moə Ramilə Nəcəfova tərəfo tosniə bə. Har dı xonəxo dəstqir kardə be xəbə doə bedə.