2024-minə sori martədə bə Boku Kliniki Tibbi Mərkəz (KTM) de zəhərin be band 790 kəs ovardə.
Mərkəzi mətbuat xldməti doə məlumatədə, çəvon 139 kəsi Toksikologiya şebə ğəbul karde, bə əlidəyon sıftınə tibbi koməq nuşu doə bə peş bə kə vadoe votə bedə.

Ğəbul bə noxəşinonədə 72 kəs dəmoniku, 30 kəs sırkə tırkieku, 5 kəs dəm ğaziku, 10 kəs alkoqol peşomeku, 8 kəs xorəkiku (botulizm), 1 kəs qobələkiku zəhərin bə. 11 kəs mardə. Zəhərin bə xonəxonədə 58 kəs zənən, 49 kəs merd, 32 kəs əğıli bən. Zəhərin belədə ziyodəti hıste.

Imsori fevralədə dın mərəzi 739 kəsi ovardemonış kardə be, çəvonədən 9 kəsi marde məlumatədə ğeyd kardə bedə.