Boku rejimi bəştə dindorə şəhrvandon zidd bıə repressivə hərəkəton dəvom kardedə. Im cinoyətkorə rejim de İroni İslomə Respublikə ıştə rabitəon bəyənde jıey bədigə, bo İroni torsıneyro ıştə dindorə vətəndoon sıftədə de bə İroni casusəti kardey unvoni dastgir kardedə, ohəteydə, peşo gıləy subut iyən fakt pəydo nıkardey bəpeştə, əvoni de pesoxtə bə narkotik maddəonku istifodə kardey iftiro həbs kardedə. Votey bedə ki, de tosə ısət 3 ruji dılədə de tobə 12 nəfəri dindorə şəxson de narkotik maddəon oko doey iftiro dastgir iyən həbs kardey bıə. Həlbəttə çəvonku kali gıləyniyon de kulli mığdorədə rışvə iyən pul sıey vositə ozod kardey bıən.