Lankonədə ğəziyə: De ıştə duston ıştə dayış kışte
Yusubovi kutisə korox doy rizon mandə ləş çe əy kədə pəydo bıə. Bı barədə bə Lankoni Rayon Polisi Xonə xəbə rəsə. Dıləntonə Koy Vəzirəti çəsponi ıştə koəkonış bə ğəziyə qınyə vırəşon vığandə. De ğəziyə anqıl təyğəton bino kardəşone. Rayoni prokurorəti əhəşonən bı koədə ıştə təyğəti dastpoçəninə bardəşone.
De Xətokərəti Məcəllə 120 – nə ( çe ğəsto odəm kışte) maddə xətokorəti ko oj kardə bıə. Im xətokərəti ko de de çəsponi təyğəti barde riyə bərmalə bıə ki, Liman ( Bəndərqo) şəhəri əji çe mardəkəsi hovəzo V. Huseynov de ıştə navkonəni zindoni həmron E. Quliyev iyən V. Mirzəyevi ım həjəmətişon kardə, əve əvonışon oqətə. Əvon çe kıştəkəsi moli – puli dızdieyro əvışon kıştə. Bı barədə əvon ıştən ım xətokorətişon bə ıştə qiyışon qətə. Xıdo bə mardəkəsi, səbr bıdo!
Lankon – Liman ( Bəndərqo).
Sərdor Bunyadov.
Comments