TolishMedia informasiyə agentəti muxbir Ozobiconiku xəbə dodə ki, rujbəruj, sorbəsor ım kişvərədə jiə bumiə milləton problemon şiddətin bedən. Ən bevəcə çiy əve ki, Boku diktatorə rejim bumiə milləton ən mıhumə problemon de har vositə bə oxonə plani eğandedə.

Bo milliə eyniyəti hifzi ro həmməysə mıhumə problemon gıləyni məktəbon vəzyət iyən tolışə xəlği təhsili vıron probleme. Həmmə zındən ki, Boku rejim tolışon ıştə inə zıvonədə mij gəteku məhrum kardedə, iyən igləliə vırə ki tojə tolışə nəsl zınedə ıştə moə zıvoni umute, məktəbonin.

Sosialə şəbəkonədə gıləy video pevılo kardə bıə ki, Bokuədə jiə iyən ko kardə tolışə həkim iyən tolışə məktəbi mudavim ıştə məktəbi niməxərobə vəzyəti nişo dodə. Ğeyd bıkəmon ki, ım məktəb 1920-nə sorədə Masaloni Kəzvinoba diədə dutə bıə be.