TolishMedia informasiyə agentəti muxbir xəbə dodə ki, çı Jurnaliston Mıdofiə Komitə (CPJ) bəyonotış pevılo kardə. Im bəyonotədə votə bedə ki, Ozobiconi hukmət bəpe əlbəsaat jurnalist İkram Rəhimovi ozod bıkə iyən jurnaliston təğibon çəvon ko xoto obırniyo.

Çı komitə Avropə iyən Mərkəziə Asiyə programi koordinator Gulnoza Saidi elon kardəşe ki, İkram Rəhimov əncəx bə gorə ki, rışvəxorəti həxədə məğalə dərc kardəş be iyən ım fakt nişo dodə ki, rışvəxorəti bə oşko bekardə mıstəğilə jurnaliston bə zindon dənoe praktikə bəpe oroxniyə bıbu.

Bə yod dəğandəmon ki, İkram Rəhimov 2018 sori oktyabri 26-ədə həbs kardə bə iyən bə 5.5 sornə zindonə cəzo məhkum kardə bə.