Sosial şəbəkonədə iyən KİV-ədə Ozobiconi İslamiə Partiyə rəis  Mohsen Səmədovi həbsi 8-nə sorəgardışi həxədə məluməton doə bedən.

Bə mıxtəlifə xəbə agentətion məluməton əsosi 2019-nə sorədə 8 sor bedə ki İslamiə partiyə rəis Mohsen Səmədov iyən çəy mıovin Vağif Əbdullayev ıştə partiyə idorəku beşe vaxtədə ğəlpə dəlilon xoto Boku dovləti əmniyətiə ğıvvon tərəfiku dəstgir bin.

Boku diktatorə rejimi məhkəmə hoci Mohsen Səmədovış 12-sornə zindonə cəzo məhkum kardə. Boku dovlətədə siyosiə iyən diniə məhbuson mığdor sorbəsor yol bedə, zindononədə bə əvon gonə işqəncəon dodən iyən təzyığ kardedən.