Vinde bedə ki, “Yeni Azərbaycan” hakimə partiya bo interneti səpe nəzorəti zumand karde ro tojə kampaniyə bino kardedə. Çımiku çan ruj bə nav parlamentədə sosialə siyosəti komitə sədri mıovin Musa Quliyevi təklif kardəş be sosialə şəbəkəon baste “xariciku omə dımjonon iyən xətoon navi gəte ro. Demiyən jıgo əy təklif kardəş be “milliə sosialə şəbəkəon” təşkil karde.

Fevralə mangi 13-ədə vitse-iminə vəzir iyən “Yeni Azərbaycan” hakimə partiya sədri mıovin Əli Əhmədovi şikat kardəşe ki sosialə şəbəkəonədə mımkun ni de ğanuni ıştəni mıdofiə karde.
Əhmədovi votəşe: “Har gılə odəmi təhğir karde iyən bə dəhşət eğande vey hostone, əmma ıştənimıhofizə mexanizm mıvcud ni. Im məsələ cəmyətədə gıvonəti bə vıcud vardedə, nəinki Ozobiconədə, hətto co məmləkətonədə jıgoye”.