Liki Ğışləğ ( Qıyə) nomədə di əjiyon Liki icra yol Rovşən Bağıroviku ve norozin. Çumçıko əy əvonış bə dastış dənoə. Əy bə çı di əjiyonış ımsor bə di ğaz okorniey sıxanış doəbe, ıştə sıxanisə nımande. Odəmon sardiku həmə zardızukin. Əvon  nə vişəku ezım varde zındən, nəən ğaz ni bı diədə. Odəmon həni zındənin bə kom vırə bışun, kom kəybə bıkun, ıştə dardi konco, bə ki bıvoton.

Çı di əji  Aydın Şahverdiyevi bə əməş jıqo vote : “Oxo əmə boçi sardiku dəbyəmon. Bə kom vırə şedəmon nə əməni məsdən. Sənədonədə çəmə diədə 4 sor çımi bə nav ğaz okorniey barədə nomjə kardə koğəzon hestin. Jıqo beşedə ımon ( icra yolon) 4 sor çımi bə nav çəmə ğazi okorniey pulonışon hard, ısət əmə sardiku zardızuk bıəmon. Dardən bımədəy ki, vişəku ezım vardeyən bəmə ğədəğə noəşone. Isət boy bıji , diəkəm çoknəy jidəş”.

Lik- Ğışləğ ( Qıyə).

Sərdor Bunyadov.