Sosial şəbəkonədə Qoranboy rayoni Qurbanzadə nomədə diədə de Kaloşi bə odəmon səy ekuey, çəyo çəvon jimonədə saxtətiyon bə ro – riyə eqıniey vonə qıləy pir pəydo bıə. Dı ruje Ozobiconi ZİV ( Zıbudə İnformatsiya Vasiton) bı barədə nıvıştdən. Vistı iminə əsrədə jıqo çi bə odəmi ujə – ujə dodə. Odəm bəpe çanəndə əvom bıbu ki, qılə mardə odəmi kaloşi bo ıştə şifo vasitə bızıno. Im pir Qoranboy rayoni Qurbanzadə nomədə diədə 30 sor çımi bə nav iytunə manqi 7 – də mardə Miribiş nomədə odəmi kədə bərpo bıə. Odəmon çə merdiku merıs mandə kaloşi bəştə səy dəsudən, çəyo ıştə puli ya zəron bə kədə nodən beşedən. Çımi vırədə kırt qılə vaxti ərbob ıştə bey çəş kardən. Xıdo bı jıqo odəmon pand bıdo. Xosə tolışon diəkənən de kom odəmon, kom keşvərədə jidəmon?!

Lankon – Qoranboy- Qurbanzadə.

Sərdor Bunyadov.