Orəxnə vaxtonədə Tolışstoni əjiyon, bə xosiyən nuperəson iyən cıvonon aradə nuə dəb eqıniyə. Isət bə ıştə tan kutisəş Tolış nıvıştə şəy tankarde dəbədəy. Pidə Tolıışstoni diyonədə bıbu, pidə şəhəronədə jıqo şəyon tan kardə cıvonon aşmard rujbəruj ve bedə.

Polison doə tars, hukməti noə ğədəğon tolışə ğıryətmandə baləliyon çı jıqo koyku ohaşte zındəni. Imən əy votedə ki, tolışon bo ıştə nomi, bo ıştə ozodəti, bo ıştə səbəsojəti təşnən. Oxo ım nodonə Ozobiconi hıkımdoron boçi bəsə dəşe zındənin ki, qılə milləti binim ıştə ozodətiş pidəşe, çəy və pebiriey əbıni, çəy vanqi baste əzınin.

Tolışon ıştə zəminədə de mehmonon hejo çok rəviyən, de çe əvon nozi hənəkışon kardə. Ko bımənədəy ki, çəmə zəminədə bənəy mehmoni jiə dəvilon ısət bə çəmə zəmini xıvand beşən. Əve tolışon ısət bo ıştə dəvlətmədorəti bərpo kardero bo har çi karde hozon, iqlə ıştə dəvlətmədorəti bərpo bıkən.

Əve tolışə cıvonon ısət ıştə tankardə şəy kutisə Tolış sıxani nıvıştedən , de ımiyən ıştə nomi bərmalə karde, de əy çoknəy fəxr karde nişo dodən. Xıdo bə tolışə cıvonon ovand bıdo! Amin!