Lankonədə vist sornəni cıvon hovuzədə tastə
Lankoni Olimpiya Vərzışkorəti Kompleksədə odəm taste ğəziyə qınyə. Im ğəziyə çe həmonə pentono nomi qətə kompleksi hovuzədə qınyə. Lankoni rayoni Şilvo nomədə di 20 sornəni cıvonə əji Fəxrəddin Ədaləti zoə Babayev ovədə tastə. De kənoədə mandə odəmon koməqəti ovədə bekardə Fəxrəddin Babayev mardeku peroxniey bıəni. Çe ım ğəziyə sərost çe cur qınye barədə hələ hiç qılə bərmaləti bebuli kardənin.
Çəy mardə ləşi bo ekspert kardero bə Lankoni Mərənqo Noxəşxonə, Patoloji Anatomiya İconəti Xonə bardəşone. Peş eksperton doə ray çe Şilvo cıvonə əji Fəxrəddin Babayevi taste qıno bərmalə bəbey. Mande çəşvində ko ıme ki, əmə qıləyən nuperəsə tolışımon qin karde. Lankoni Polisi Təyğət bardə xonə, dı koy anqıl cinoyəti təyğəton bardero koş oj kardə.
Lankon – Şilvo.
Sərdor Bunyadov.
Comments