Ozobiconi hukmət dıdiməti kardə. Zinə, iyunə nanqi 22–də Ozobiconədə bənəy mətbuati ruji id dəvonişone. Dı jıqo idi anqıl Ozobiconi prezidenti bo Zıbudə İnformasiya Vasiton i milyon manati ğərolədə pulə koməqış co karde. İ tono diə kardeyədəy ım ve çokə hole. Dəvlət bəpe bə rujnomon, bə manqomon dast bıqəto.

Mande çoknəy vindəmon bı siyahiyədə tolışə zıvonədə beşə rujnomə nom ni. Im Ozobicon nomədə pesoxtə keşvər tolışi zıvonədə beşə nə bə rujnomə nəən bə manqnomə dast qəte barədə hiç famə holışən ni. Ozobiconədə “Tolışi Sədo” nomədə iqləliyə rujnomə hestbey, əv rujnomən de Novruzəli Məmmədovi marde dəbaste holədəy. Dı–se qılə şəxsi odəmon bo ıştəro rujnomon çap kardən, əyən de ıştə, ıştən puli.

Çok, bəvədə kali befərasatə tolışonku parsedəmon, ım hukmət şıməni bo ıştə şəhərvand nızıne holədə şımə boçi ıştəni kışton çe əy roədə? Im pesoxtə keşvəri, bə şımə fərhənqi, bə şımə zıvoni, bə şımə miji, bə şımə jimoni canqış səlo jəşe. Şımə çoknəy bə şımə canq səlo jə keşvəri roədə bo made hozo bedon? Oxo de tobə kəynə bənəy ojəku bəjimon!

Lankon – Boku.

Sərdor Bunyadov.