Azərbaycani nat şirkət SOCAR-i Turkiyədə “Star” nat emalı zavod Amerikə “Citi” iyən “JP Morgan” bankonku 1 milyard 400 mln dollar kreditış vaxtiku 2 sor bə nav oqordonəşe. De “Reuters” aqentəti nıvışte, SOCARi ın qəm çe Rusiya “Lukoil” şirkətiku de 1 milyard nim məbləğədə peğətə kredetiş karde zınə.

Bimi səbəbən, Rusiyaku nathıriye bərpo karde votə bedə. “Citi,” “JP Morgan” krediti vaxtiku bə nav oqordone band şərh doeku imtinoş kardə. “Lukoil” iyənə “SOCAR” ən bın barədə hələ hiççi votəşon ni.
Məqalədə, kreditin oqordone Rusiya bə SOCAR-i “Star” nat emal zavod xomə nat həvate bərpo karde imkon doe ğeyd kardə bə.

Nat emal zavod kredit peğətə vaxt de Amerika bankon xahişi Rusiyaku nat hıriye oğətəş be. Isət Amerika bankon ğarzon oqordone ro “Lukoil”ku kredit peğəte qorə Rusiyaku nat hıriyeş bərpo kardə. ““Star” Rusiya nati emal karde qorə nəzərədə qətə bəbe, əve Ğərbi bankon bey Rusiya nati emali oğəte tələb, bə problem peqardə be”, – mediadə ğeyd kardə bə.