Vərqədizədə (Yardımlı) qınyə ğəziyə vırədə çe Dəvləti Suteku Qərdənikəşə onemoni zuon həşən. De Fefqələdə Holon Vəzirəti 112 numrəynə sıviyə riyə omutə rımuzi Vərqədiz rayoni əji romə VAZ markaynə maşin bə də peş bıə. Əve bə ğəziyə vırə FHV Dəvləti Suteku Qərdənikəşə zuy əhəşon çəsponi ıştənışon rosniyəşone.

De TolishMedia muxbiri omutə rımuzi dıvəlunə holədə mandə maşinədə 2 xonəxo de çıləmerdə koməqi bekardə bıə. Odəmon mardeku perəxən. Dı koy anqıl Vərqədizi Polisi Xonə təyğəton bardə. Çe əvon bardə təyğət bo əmə jəqoən papeynə çi ni. Sərko əve ki, çı ğəziyə hocubətədə hiç kəs mardə ni. Xıdo həməkəsi çe jıqo ğəzo – ğədəronku bıqordono!