Bə Ozobiconi Milliə Cəbhə partiyə sədri mıovin Gozəl Bayramlı çəy xariciə pasporti ogordınie rədd kardedən. Əy de xəşi problemon əloğədor piəşe bə xaric bışu. De ım hədəfi Gozəl Bayramlı həmməy lozimə sənədon edaştəşe bo ıştə xariciə pasporti səy ro iyən çı rusumi polış doə.

Vaxtı ki iyulə mangi 24-minə rujədə Bayramlı şə ıştə pasporti bısəno, bəy votəşone ki pasport bəştə soybi ogordıniə nibəbe, çumçıko daxiliə koon vəzorətiku pasporti ogordınie rədd karde barədə cəvob doə bıə. Çı pasporti ogordıniey rədd karde səbəbon barədə hiç məlumoton doə  nıbin.

Gozəl Bayramlı fik kardedə ki, ım beğanunəti de ıştə mıxolifətə fəoliyəti angıl bedə.