Çı “Musavat” partiyə həbsədə bıə fəol Azad Həsənov 3 ruje ki, Boku şəhəri zindonədə ənıhardə aksiyə dəvoniedə. Çımi həxədə bə mıxtəlifə KİV-on vəkil Osman Kazımovi xəbə doəşe ki, iyulə mangi 25-ədə bə Həsənovi osə ğandəşe.

Azad Həsənov de ım aksiyə məhkəmə prosesi ğəsdonə bə di dəğande zidd etiroz kardedə. Ğeyd bıkəmon ki ım proses 6 mangisə veye dəvom kardedə.

Bə vəkili sıxanon əsosi iyulə mangi 25-ədə Həsənov susard be iyən səgijləş hest be. Əmma huğuğ-mıhifozə organon ictimoiyə əloğon şobəy rəis Mehman Sadığovi de KİV-on muxbiron mısohibədə Həsənovi ənəhardə aksiyə həxədə məlumotış təkzib kardə.

Sadığovi votəşe: “Haliyədə hiç gılə məhbus ənəhardə aksiyə dəvoniedəni”.