Deputat Fazil Mustafa de qullə je band bə məhkəmə omeydəni. Bəçe vəynə sui-ğəsdədə ittihom bə xonəxon zərərkəşəyon ğismədə zınə bə deputati məhkəmədə iştirak karde tələb kardən.

Sui-ğəsdədə ittihom bə 5 kəsi ko Boku Qonə Cinayəton Məhkəmədə bardə bedə.

Çimi navədən əvon zərərkəşəy məhkəmədə iştirakşon tələb kardə be. Fazil Mustafa numayəndə məhkəmə prosesədə iştirakış kardə be. Əmmo taxsiko zınə bə xonəxon bə deputati ıştəni sulon be bəyonşon kardə.

Taxsiko zinə 5 kəsi həmmə – Azər Səricanov, Səbuhi Şirinov, Emin Əliyarov, Elşad Əsqərov iyən Rəşad Əhmədov məhkəmədə damə kardə bən. Bın səfə məhkəmə prosesədə hakim şahidon damə karde bino karde piədə taxsikorə xonəxon iyən vəkilon etirazşon kardə. Əvon sıftə zərərkəşəy damə karde tələbşon kardə.

Vəkilon Fazil Mustafa həxədə məcburi varde ğərar doe ro vəsatətşon ros kardə..
Hakimon vəsatətşon rədd kardə.
Məhkəmə proses istə koy marti 29-də dəvom bəka.