Cəmil Hacılyevi dastqir kardən
Imruj iyulə manqi 31 , 2019 – nə sori de Lankoni vaxti niməyjoni saat seədə Cəmil Hacıyevi şərğandə məhkəmə ko dəbəvarde. Cəmil yanvari visti, i həzo nəvsa nəveminə sori dıminə dərəcəynə mayfe. Xərəboği canqi veterane. Əfsanəynə Lankoni 820 numrəynə batalyoni səror bıə.
Peşo mayor Fəxrəddin Həbibov mardəbəpeşt 704 numrəynə briqada sərdor mandə. Əv Xərəboğədə Ozobiconi roysə xunış ru kardə. De Cəmili ımruj Lankonədə çe əy boə İsrafil Hacıyevən məhkəmədə qınoşon nıbe – nıbe tambeh kardə bedən.
Ko bımədəy ki Lankoni Xolmeli diədə jiə Qorxmaz Hacıyev nomədə qılə çoğol çe ğəsto bə Cəmil Hacıyev iyən bə çəy boə dim mandə. Cəmil Hacıyevi ko bardə təyğətbardə polis ıştən Xərəboği Fizuli nomədə rayono bə Lankon omə dəviləy. Tolış ısət bəpe ıştə kolo bınə ıştə vədə çok – çoki bıfamo- Çı jıqo həjəmon roədə canq karde çanəndə səroste?!
Lankon –Xolmili.
TolishMedia
Comments