Orəxnə vaxtonədə Ozobiconi Respublika prezident İlham Əliyev bə çəş çidəni. Məvuji çe əy hol qırd bevəce. De kali niyonəkıleyə rumozon əv vəhəmiş səvardə. Vəhəmi noxəşiku koroğ kəşə İ.Əliyevoi dılışe hukuməti bə ıştə jen Mehriban Əliyeva dasat bıdə. Ozobicon nomədə keşvərədə hukuməti ovaxte hol çəş kardə bedə. Əve bı koy ğoy hozoəti bardə bedə.

Bı nezonədə Rusiya Federatsiya prezident Vladimir Putini bə Mehriban Əliyeva xəlğon dustiəti medali edaşteyən bı koy ğolloğ kardə. Rusiya demi voteş pidə ki, əmə Mehriban Əliyeva havari kəşedəmon, qirəm Mehriban Əliyeva prezident bıbu Rusiya dəvlət çe əy tono bəbey. Çəş bıkəmon, diəkəmon çı koy orəxon çoknəy bəbe. Mande İlham Əliyevi marde ya mande barədə hələ qılə səheyə rımuz ni.

TolishMedia