Zinə Boku şəhəri Nizami rayoni həndəvərədə dəvləti numrə 66 BF 227, VAZ 2104 markəynə jiquli maşin vitvoniyə bıə. De çe əmə Tolışstoni əlehdə muxbiri doə xəbə Dəvləti Roy Sərpolisi Xonə  bı barədə bə həmə roy polisi raton çı jıqo qılə maşini oqətye otovi omə.

Ənəhoy davardəni bə roy polison jıqo qılə rımuz rəsə ki, həmonə vitvoniyə2104 markəynə jiquli maşin Ələt – Ostoro pıştəroy, İroni marzi  həştohəşt kilometri həndəvərədə bə polison çəşi pexəvə. Polson çoknəy əvışon oqətə, maşinədə bıə dı xonəxo bə polison pemandənin, maşinışon haştə binoşon kardə bo vite. Mande ım maşini Bokuku detobə Səlyoni romə Masali şəhəri əji Ağazadə Toğrul Şəmsəddini zoə vitə vırədə polison əvışon  eqırd qətə çe əy dast – poçonışon epıştə. Əvışon çəyo sərostə bə Nizami rayoni 24 – nə polisi xonə bardəşone.

Çe əy dıminə dızdi həmroən ki bey bərmalə bıə. Məvotbənən Namiq nomədə dıminə odəm binim de əy ım maşinışon dızdiyə, çe əy Masalədə jiə hamusiəy.

Boku – Səlyon – Masal 

Sərdor Bunyadov