Avqustə manqi 24 – də Rusiya Sankt – Peterburq nomədə şəhərədə tolış – Elvin İsayev çe Rusiya əlehdə ğolloğəvonon əhəşon oqətəşone. Avqusi 26 – də Dzerjenski rayoni məhkəmə Elvin İsayevi 20 sornəni Rusiya şəhərvandədiş ənədəsturış zınə, çe əy pasportışon ləğvışon kardə.

Elvin İsayev bə Peterburqi nezi Krasnıy Selo nomədə SİZO vırə vığandəşone. Da ruji vaxtədə çe əy dılmoncon (vəkilon)  bəpe ım koy sənibəton bə məhkəmə rost bıkən. Qirəm ım ko ıştə tambeyədə bımando bəvədə Elvin İsayevi bə Ozobicon vığande eçınışon qətə. Bı koədə vey muqızqınyə ko bə dim beşə.

Məvotbənən Elvin İsayev çe Peterburqi milyarder de tırkə Vaqif Məmişovi ğədəğə riyə dastqir kardəşone. Vaqif Məmişov de Ozobiconi hukuməti odəmon, bə xosiyiyən de Mehriban Əliyeva ve neze. Hələ sovı bımiyən avqusti 29 – də Peterburqi Ledevoy Dvores nomədə vırədə de Ozobiconi ğılovşon həşemoni əv bo Mehriban Əliyeva movardəruji konsertən doydə. Əve Vaqif Məmişevi bo Mehribani movardəruji qırd çokə baxşə əy ıştə videonədə exroc kardə Elvin İsayevi dastqir karde zınə Vaqif Məmişov bə jıqo mırdolə koy dastış ğandə.

Tolışon bəpe ımi çok bızınon ki, əvon taki bə ico qırdə nıbon, jıqo odəmon bə çəvon vırə nışandon, əvon çiçışon bıpiyo jəqoən bakan. Mor more, çe əy moə bıbu ya niyə.

TolishMedia